Enquisa PREME de xaneiro-febreiro: a satisfacción cos edificios das bibliotecas
Co novo ano chega unha nova pregunta da enquisa PREME de satisfacción dos usuarios coa Biblioteca. Así, ao longo de xaneiro e febreiro preguntarase sobre o grao de satisfacción cos edificios e instalacións das bibliotecas.
CALENDARIO DAS APERTURAS ESPECIAIS DE BIBLIOTECAS (NOITES E FINS DE SEMANA) EN XANEIRO DE 2011
Có gallo dos exames do mes de xaneiro, a Biblioteca Universitaria ten previsto iniciar os seus horarios de aperturas especias en noites e fins de semana nos tres campus. As devanditas aperturas terán lugar nas bibliotecas centrais dos campus de Pontevedra e Ourense, e na biblioteca de Torrecedeira en Vigo. Como reforzo á oferta bibliotecaria, a Biblioteca Central do campus Lagoas-Marcosende (Vigo) abrirá tamén en fin de semana.
A biblioteca abre en noites e fin de semana desde o 13 de novembro ao 3 decembro
Para facilitar a preparación dos exames do vindeiro mes de decembro, a Biblioteca pon en marcha aperturas de noites e fins de semana nos tres campus. As devanditas aperturas terán lugar nas bibliotecas centrais dos campus de Pontevedra e Ourense, e na biblioteca de Torrecedeira en Vigo. A maiores, a Biblioteca Central do campus Lagoas-Marcosende (Vigo) reforzará as aperturas de fin de semana.
Pregunta da enquisa PREME de novembro-decembro: a satisfacción xeral coa Biblioteca
Coa chegada dos dous últimos meses do ano 2010, a Biblioteca, dentro do seu interese por coñecer a opinión dos seus usuarios e usuarias, lanza a pregunta anual da súa enquisa PREME sobre o grao de satisfacción xeral. A diferenza das preguntas doutros meses, dirixidas a aspectos concretos do servizo (instalacións, persoal, coleccións...), esta pregunta intenta averiguar que opina a comunidade universitaria e o resto de usuarios sobre o funcionamento en xeral da Biblioteca.
Enquisa PREME: a satisfacción coas coleccións que ofrece a Biblioteca
Co comezo do novo curso 2010-2011, a Biblioteca Universitaria retoma o seu programa de enquisas de satisfacción dirixidas aos seus usuarios e usuarias. Nesta ocasión, a pregunta, correspondente aos meses de setembro e outubro, trata da satisfacción dos usuarios coas coleccións biblliográficas que a Biblioteca ofrece.
