Aperturas especiais de bibliotecas para os exames do segundo cuadrimestre
Para facilitar ao alumnado a preparación dos exames do segundo cuadrimestre deste curso 2012-13, a Biblioteca Universitaria vai desenvolver a partir do vindeiro 13 de abril a súa programación de aperturas especiais de bibliotecas nos tres campus. As datas e horarios das aperturas son os seguintes...
- Aperturas de fin de semana:
Sábados e domingos comprendidos entre o 13 de abril e o 12 de maio de 2013 (e o festivo 1 de maio) en horario ininterrompido de 8 a 22 h. nas bibliotecas de Torrecedeira, Central de Ourense e Central de Pontevedra. Como reforzo, a Biblioteca Central do campus Lagoas-Marcosende (Vigo) abrirá esas mesmas fins de semana en horario de 9 a 21 h.
- Aperturas nocturnas:
De luns a venres (agás festivos) do 15 de abril ao 10 de maio de 2013, en horario ata as 3 da madrugada, nas bibliotecas Central de Ourense e Central de Pontevedra. Na biblioteca de Torrecedeira o horario nocturno prolongarase ata o 15 de maio.
Foto: miguelavg, "What have I done!?", Flickr
