Enquisa PREME: a satisfacción co trato e atención recibido do persoal
Para a Biblioteca Universitaria, a medición da satisfacción dos seus usuarios e usuarias constitúe unha preocupación principal. Con esta finalidade, a Biblioteca desenvolveu o seu sistema de enquisas "PREME" que, desde xaneiro de 2010, se leva a cabo con periodicidade bimestral. Neste caso, para o período maio-xuño, a pregunta que se formula trata da percepción dos usuarios/as sobre o trato e atención que reciben do persoal bibliotecario.
Día do Libro, unha invitación a ler
Co gallo do Día do Libro, publicamos hoxe a cuarta ampliación do xa clásico, "O libro no libro" que xurdiu en 2008. Esta mostra propon unha selección de novelas nas que o libro é, dalgún xeito, o protagonista. Encuadernadoras de libros prohibidos, cadáveres na biblioteca, mafias libreiras, "sillóns" de academia malditos, bibliotecarias intrépidas, gatos de biblioteca (si, gatos)... Todas as súas historias están á vosa disposición na Biblioteca Universitaria.
Comeza o mercadillo solidario de libros por Haití
Rematada a recollida de libros para a iniciativa solidaria Libros por Haití, infórmase á comunidade universitaria das datas e centros onde terán lugar os mercadillos. Non deixedes pasar esta pequena oportunidade de axudar aos haitianos e de mercar boa literatura...
Enquisa PREME: a satisfacción cos edificios e instalacións bibliotecarias
Con obxecto de mellorar o sistema de recollida da opinión dos usuarios, a Biblioteca vén de reformular o proxecto de enquisas PREME que a partir de xaneiro pasou a basearse en preguntas de carácter bimestral. Con iso redúcese o número de preguntas a contestar durante o ano polos usuarios e, sobre todo, amplíase o prazo de recollida coa finalidade de incrementar os niveis de resposta ata o de agora rexistrados. Rematada a pregunta dos meses de xaneiro e febreiro (satisfacción cos horarios da Biblioteca), durante os meses de marzo e abril formulase unha pregunta sobre os edificios e instalacións das bibliotecas.
Libros por Haití
Con motivo do recente terremoto de Haití, na Biblioteca Universitaria da UVigo estase a organizar un mercadillo solidario de libros. Os cartos recadados coas ventas doaranse integramente á Cruz Vermella. Co obxectivo de implicar á comunidade universitaria, a Biblioteca invita a participar a todos e todas na iniciativa: solidarízate con Haití; participa e lé!
