15 setembro, 2014 | 19:42:00
Lanzamento da versión para dispositivos móbiles da web da Biblioteca
A Biblioteca Universitaria lanza hoxe a versión para dispositivos móbiles do seu portal web. O desenvolvemento desta versión está baseado na filosofía do responsive design ou deseño adaptable que permite adecuar a visualización e apariencia dunha web ao tipo de dispositivo móbil que se está a utilizar para navegar (portátil, tablet, smartphone, pantalla wide...).
Esta versión móbil céntrase nas seccións e contidos máis consultados da web da Biblioteca, de xeito que non da acceso á totalidade de apartados, seccións e contidos que ofrece a versión de escritorio. A nova versión organízase en sete apartados: "Buscar", "Servizos", "Bibliotecas", "Horarios", "Catálogo", "A miña conta" e "Blogdabiblio". Ademais incorpora un enlace á enquisa de satisfacción e outro aos datos de contacto no que se inclúe o acceso ao formulario de suxestións e reclamacións.
Para acceder á versión móbil abonda con pulsar no enlace "Móbil" que aparece na cabeceira da web xunto á selección do idioma.
Mariachi Vigo | El Mariachi de Galicia | A Coruña | Ourense | Lugo | Pontevedra | Portugal.
Sorprende a tu prof, amig@s, pareja, etc, con una serenata con el mariachi vigo.
Visita nuestra web: www.mariachivigo.com
Ola bo día, Ana. Con relación aos problemas de funcionamento desde Android, onte e hoxe fixemos probas desde diversos dispositivos con este sistema operativo e todo funciona correctamente. Penso que o problema ten que ver máis ben co teu dispositivo. En canto aos enlaces ao catálogo, dicirche que o enlace dedicado pretende poñer en valor este recurso feito co traballo da nosa biblioteca que, segundo os nosos datos, recibe unha boa parte do tráfico da nosa web. Aínda que teña ese enlace dedicado, parece lóxico que tamén estea na sección "buscar" ao tratarse dun recurso orientado á busca. Saúdos e grazos polos teus comentarios.
Non entendo por que se manteñen dous enlaces para acceder ao catálogo, se o que se busca é ofrecer una interface simplificada. A min non me funciona ningún dos dous nun teléfono con android, nin o acceso á miña conta.
