Lanzamento da nova WoK 5.2
A FECYT informa que a finais deste mes de marzo estará dispoñible a nova WOK 5.2. Entre as novas funcionalidades e melloras que incorpora a plataforma pódense sinalar as seguintes:
- Truncamento a man esquerda dun termo. Por exemplo: *hydroxy* recupera Dihydroxylation, Dihydroxylations, Dihydroxylated, Aminohydroxylation.
- Recuperación das distintas variacións dunha palabra: recupera a palabra singular e plural (p.ex. mice e mouse), a palabra en inglés británico ou americano (colour ou color) e outras variacións dunha palabra.
- Eliminación de palabras non buscadas: agora pódese buscar "Vitamin A".
- Novo operador "NEAR" ( osmium "near/5", por exemplo) para determinar a proximidade dun termo a outro nun rexistro.
- Buscar os nomes completos dos autores.
- Os resultados ordenaranse automaticamente por ano de publicación e non pola data de indexación.
- Máis opcións para ordenar os resultados (do máis antigo ao máis actual).
- Eliminación do límite de resultados das buscas.
- Refinar e analizar todos os resultados sen límite.
- Visualización dos abstracts na páxina de resultados.
- Crear un informe de citas da lista marcada.
- Total global de citas. As veces que foi citado un artigo, agora inclúe as citas de todas as fontes de citas na WOK (Web of Science, Biosis Citation Index e Chinese Citation Index). Pódese ver o total de citas de todas as bases e o total pola base individual.
- Buscar artigos co Researcher ID de autores (visite www.researcherid.com).
Para máis información sobre a WoK 5.2 consulta en: http://www.accesowok.fecyt.es/?page_id=2633
