CALENDARIO DAS APERTURAS ESPECIAIS DE BIBLIOTECAS (NOITES E FINS DE SEMANA) EN XANEIRO DE 2011

Có gallo dos exames do mes de xaneiro, a Biblioteca Universitaria  ten previsto iniciar os seus horarios de aperturas especias en noites e fins de semana nos tres campus.  As devanditas aperturas terán lugar nas bibliotecas centrais dos campus de Pontevedra e Ourense, e na biblioteca de Torrecedeira en Vigo. Como reforzo á oferta bibliotecaria, a Biblioteca Central do campus Lagoas-Marcosende (Vigo) abrirá tamén en fin de semana.

O calendario e horarios de apertura son os seguintes:

a) Apertura nocturna: de luns a venres, desde o vindeiro luns, 10 de xaneiro de 2011, ata o mércores, día 26 de xaneiro, ambos os dous incluídos, e  cun horario ininterrompido ata as 3:00 h. da madrugada nas bibliotecas de Torrecedeira, Central de Ourense e Central de Pontevedra.

b) Apertura de fin de semana: sábados e domingos comprendidos entre o sábado 8 de xaneiro e domingo 23 de xaneiro, cun horario de 8:00 a 22:00 h. nas bibliotecas de Torrecedeira, Central de Ourense e Central de Pontevedra.  A maiores, como reforzo, a Biblioteca Central do campus Lagoas-Marcosende (Vigo) abrirá estas mesmas fins de semana en horario de 9:00 a 21:00 h.