Concurso para os usuarios da Biblioteca da UVigo: gaña un iPod Nano coas revistas-e de Emerald

O editor Emerald Group Publishing vén de anunciar un concurso para os usuarios e usuarias da Biblioteca da Uvigo no que se pode gañar un iPod Nano de 8Gb. O concurso consiste en responder a un cuestionario de cinco preguntas sobre las revistas electrónicas de Emerald Managament.

Para participar no concurso basta con responder ás cinco preguntas do cuestionario e cubrir un sinxelo formulario de datos persoais (nome e apelidos, universidade e correo-e). As preguntas refírense as revistas-e da base de datos Emerald Management e pódense responder correctamente facendo procuras na base de datos.  Todos os cuestionarios cuxas cinco preguntas estean ben respondidas entrarán no sorteo do iPod, sendo o gañador o primeiro cuestionario válido extraído ao chou.  As respostas pódense enviar ata as 23:59:59 h. do vindeiro 30 de xuño. Boa sorte aos participantes!

Cuestionario:  http://ww2.emeraldinsight.com/usage/espanol.htm

Emerald Management: http://www.emeraldinsight.com