O catálogo da Biblioteca enriquécese con ”Syndetics”
Dentro da súa preocupación por mellorar o servizo que ofrece aos usuarios, a Biblioteca Universitaria incorpora ao seu catalogo en liña Perseo unha nova funcionalidade de enriquecemento dos rexistros bibliográficos. Grazas ao servizo Syndetics, os rexistros do catálogo pasan a incorporar informacións complementarias dos libros, vídeos e DVD catalogados. O servizo, que vén de ser posto en marcha pola Sección de Proceso Técnico e Catalogación, amplía a información ofrecida polo catálogo coas imaxes das cubertas dos libros, os índices de contido, resumos, notas sobre o autor, reseñas e, en ocasións, algún dos capítulos da obra, normalmente o primeiro.
Nova pregunta do mes de decembro da enquisa dixital aos usuarios e usuarias da Biblioteca
Continuando co esforzo por coñecer mellor a opinión dos seus usuarios e usuarias, a Biblioteca da Universidade de Vigo lanza a nova pregunta do seu sistema de enquisas dixitais PREME (unha pregunta cada mes). Nesta ocasión, a pregunta, que corresponde ao mes de decembro, refírese ao grao de satisfacción xeral co servizo da Biblioteca Universitaria.
A Biblioteca Central do campus de Ourense colabora na 6ª Olimpiada Solidaria de Estudio©
Desde o pasado día 5 de novembro, e ata o 5 de decembro, a Biblioteca Central do campus de Ourense participa nas actividades que se desenvolven no campus dentro da 6ª Olimpiada Solidaria de Estudio © organizada pola ONG Coopera (Jóvenes para la Cooperación al Desarrollo).
A Biblioteca Central do Campus de Pontevedra conmemora o ”Día Universal da Infancia”
Hoxe, 20 de novembro, celébrase o Dia Universal da Infancia. A Biblioteca Central do Campus de Pontevedra súmase ás actividades de conmemoración organizadas pola Universidade de Vigo no devandito campus cunha selección de cine e documentais da colección da Biblioteca Universitaria.
Publicado ”Biblioteca 2.0”, o proxecto de estudo do Consorcio Bugalicia
O Consorcio de Bibliotecas Universitarias de Galicia (Bugalicia) buscando a integración de novos servizos no eido da Biblioteca 2.0, ven de publicar o seu proxecto de estudo que recolle o estado do arte nesta materia. O informe, elaborado por Catuxa Seoane e a empresa Galinus.
