Descubre cómo publicar en Tetrahedron e outras revistas científicas
A Biblioteca Universitaria e a Vicerreitoría de Investigación da Universidade de Vigo, en colaboración coa editorial científica Elsevier, organizan un encontro entre investigadores do ámbito da Química e editores de revistas de alto índice de impacto. Baixo o título "Descubre como publicar en Tetrahedron e outras revistas científicas", o encontro vai ter lugar o vindeiro 5 de xuño de 2008. A Biblioteca comprácese en invitar a cantos investigadores (especialmente da área da Química) estean interesados en asistir (prégase confirmen a asistencia a incidenbiblio@uvigo.es).
A Biblioteca colabora na integración sociolaboral de xoves discapacitados
En xaneiro de 2007 a Universidade de Vigo asinou un convenio de colaboración coa Fundación INTEGRA para levar a cabo un programa de prácticas de carácter formativo para persoas con discapacidades intelectuais. No programa, canalizado a través da Oficina do Voluntariado da UVigo, participa desde o verán de 2007 a Biblioteca Universitaria.
Apertura de bibliotecas polas noites e en fin de semana en maio e xuño
Co gallo do período de exames ordinarios do segundo cuadrimestre recollido no calendario escolar do curso 2007-2008 aprobado polo Consello de Goberno, a Biblioteca Universitaria programou horarios de apertura en noites e fins de semana para os tres campus nas seguintes bibliotecas: Biblioteca de Torrecedeira en Vigo, Biblioteca Central de Ourense e Biblioteca Central de Pontevedra.
Máis sobre o futuro das bibliotecas universitarias
O diario británico The Guardian publicou recentemente un suplemento sobre a evolución futura das bibliotecas universitarias: "Libraries unleashed".
23 de abril, Día do Libro
Co gallo do Día do Libro, a Sección de Adquisicións da Biblioteca Universitaria organizou unha sinxela exposición sobre "O libro no libro". A mostra componse dunha selección de novelas e libros de ficción cuio argumento xira ao redor do libro: dende 84, Charing Cross Road de Helene Hanff, á última novela de Carlos Ruiz Zafón, O xogo do anxo, pasando por títulos xa inmortales como O nome da rosa ou A historia interminable.
