O portal de revistas-e Project Muse (Premium Collection) contratado pola Biblioteca Universitaria incorporou outros tres títulos máis a colección do 2008: IEEE Annals of the History of Computing da IEEE Computer Society, Journal of Film and Video da University of Illinois e Contagion: Journal of Violence, Mimesis, and Culture da Michigan State University.
O Consorcio de BIbliotecas Universitarias de Galicia (Bugalicia) traduciu recentemente ao galego o informe Researchers´ use of academic libraries and their services encargado pola Research Information Network (RIN) e o Consorcio de Bibliotecas de Investigación das Illas Británicas (CURL). O estudo foi elaborado por Sheridan Brown e Alma Swan de Key Perspectives Ltd. Traducido ao galego por Carmen Balsa unha vez obtido polo Consorcio o permiso dos editores, o informe está dispoñible la web de Bugalicia na sección "estudos".
BlogdaBiblio nace como unha nova canle de comunicación da Biblioteca da Universidade de Vigo cos seus usuarios e, en xeral, co conxunto da comunidade universitaria. Con esta iniciativa, a Biblioteca comeza a súa andaina no ámbito da "biblioteca 2.0".