Os vindeiros días 1 e 2 de xuño de 2023, a Universidade de Vigo vai acoller ás I Jornadas de Ciencia Abierta. Organizadas pola Crue e a universidade viguesa, coa colaboración do Consorcio da Zona Franca de Vigo, as xornadas inclúen, entre outros actos, varias mesas redondas e un obradoiro práctico nos que se abordarán diversos temas relacionados coa ciencia aberta, como a xestión de datos, a publicación en acceso aberto e a avaliación da investigación...
Xa está accesible o novo Perseo, o buscador que substitúe ao antigo catálogo bibliotecario e facilita unha procura integrada nos recursos bibliográficos impresos e dixitais dispoñibles na Biblioteca Universitaria, así como noutros recursos alleos. Grazas á súa interface única, Perseo permite buscar no catálogo e nos recursos electrónicos da biblioteca, nas bibliografías recomendadas, no repositorio Investigo e en recursos de acceso aberto. O acceso pode facerse directamente desde o enderezo https://perseo.uvigo.gal ou desde o apartado "Atopar información" da páxina web da Biblioteca, na que tamén se pode atopar unha guía de uso de Perseo...
Para facilitar a preparación dos exames do primeiro cuadrimestre, a Biblioteca Universitaria programou unha nova apertura de bibliotecas en horarios nocturnos e de fin de semana a partir do vindeiro sábado 3 de decembro. Estas aperturas desenvolveranse consonte o seguinte calendario:
Do 24 ao 30 de outubro celébrase a Semana internacional do acceso aberto, unha iniciativa anual dirixida a promover o acceso aberto no mundo académico e da investigación. Este ano o seu lema é "Aberto para a xustiza climática" e ten como obxectivo concienciar sobre como o acceso aberto pode ser un medio para acadar mais xustiza climática...
Co gallo dos exames do segundo cuadrimestre e da convocatoria de segunda oportunidade de xullo, a Biblioteca Universitaria organizou unha nova programación de aperturas especiais en fins de semana e noites de luns a venres ao longo dos meses de maio, xuño e xullo...