Aperturas especiais de bibliotecas en decembro 2023 e xaneiro 2024

A Biblioteca Universitaria ven de programar un novo período de aperturas especiais en noites, festivos e fins de semana no marco dos exames do primeiro cuadrimestre. Estas aperturas, iniciaranse o vindeiro sábado, 2 de decembro de 2023, e rematarán o domingo 21 de xaneiro do ano 2024. O detalle da programación é o seguinte... 

• Aperturas de fin de semana: bibliotecas centrais de Vigo, Ourense e Pontevedra e maila biblioteca de Torrecedeira en horario de 9 a 21 horas, desde o sábado 2 de decembro de 2023 ao domingo 21 de xaneiro de 2024, máis os festivos de 6 e 8 de decembro. Non obstante, as bibliotecas permanecerán pechadas os días 23, 24, 25, 30 e 31 de decembro e os días 1, 6 e 7 de xaneiro.

• Aperturas nocturnas: bibliotecas centrais de Ourense e Pontevedra e maila biblioteca de Torrecedeira ata a 1 da madrugada de luns a venres, agás festivos, desde o 4 de decembro ao 22 de decembro de 2023 e desde o 8 de xaneiro ao 19 de xaneiro de 2024.

Ademais, durante o período non lectivo segundo o calendario académico do curso 2023-24 (23 de decembro a 7 de xaneiro), as bibliotecas centrais de Vigo, Ourense e Pontevedra e maila biblioteca de Torrecedeira ampliarán o seu horario reducido ata as 21 horas de luns a venres, agás festivos, entre o 26 de decembro e o 5 de xaneiro.

Foto: Wokandapix en Pixabay