”Radiografía do medo”, mostra de mail art na Biblioteca Central do campus de Pontevedra

Baixo o título "Radiografía do Medo" a Biblioteca Central do campus de Pontevedra acolle nestes días unha mostra de mail art na que 137 artistas de todo o mundo amosan a súa visión persoal desa emoción universal chamada medo...

A mostra foi organizada pola Biblioteca da Facultade de Ciencias da Educación da Universidade de A Coruña coa colaboración da Biblioteca do campus de Pontevedra pertencente á Biblioteca da Universidade de Vigo. A mostra permancerá nas instalacións da biblioteca, situada no primeiro andar da Facultade de Ciencias Sociais, atá o 5 de febreiro que está aberta tódolos días da semana.

O mail art (tamén chamado arte postal) é un movemento artístico universal que forma parte da arte contemporánea.  Nace nos anos 60 do século XX como unha necesidade de comunicar ao marxe da crecente comercialización e mediatización que estaba sufrindo a arte.

Máis información sobre a exposición pode atoparse no DUVI.  Do mesmo xeito poden atoparse fotografías da mostra en Flickr nos albums Exposición "Radiografia do medo". e mail art.