Pregunta da enquisa PREME de xaneiro 2010: a satisfacción cos horarios bibliotecarios

Co inicio do novo ano, a Biblioteca Universitaria formula unha nova pregunta aos seus usuarios coa finalidade de coñecer mellor a súa opinión e grao de satisfacción.  Nesta ocasión a pregunta da enquisa PREME (unha pregunta ao mes) trata dos horarios da Biblioteca.

A Biblioteca ofrece dous tipos de horarios: o horario ordinario, de luns a venres desde as 8:30 horas ás 21:00 horas (nalgunhas bibliotecas o peche veríficase ás 20:30 h.), e os horarios extraordinarios, nocturnos e de fin de semana, que se establecen con ocasión das probas de avalación e os exames, tanto ordinarios como extraordinarios.

A pregunta "Está vostede satisfeito/a cos horarios ordinarios e extraordinarios de apertura da biblioteca?" estará dispoñible ata o 31 de xaneiro. Na medida en que un servizo de calidad non é posible sen a participación do público, a Biblioteca anima aos seus usuarios e usuarias a colaborar na enquisa PREME contestando a esta pregunta.  Para iso basta con acceder ao formulario web e responder ao cuestionario do mes a través dun número reducido de clics.

Os horarios ordinarios das bibliotecas poden consultarse na páxina web da Biblioteca, na sección "Información Xeral - Novidades". Pola súa banda, os horarios extraordinarios son comunicados vía correo electrónico á comunidade universitaria e do mesmo xeito mediante carteis nas bibliotecas.