Continuando co seu proxecto de enquisas dixitais "PREME", a Biblioteca propón neste mes de novembro unha nova pregunta. Neste caso, repítese a pregunta formulada en novembro de 2008 con ocasión do lanzamento do proxecto: parécelle conveniente o servizo de préstamo de libros (nº de obras prestadas, prazos de préstamo, trámites)?
Ao formular de novo esta pregunta, a Biblioteca intenta, en primeiro lugar, ofrecer aos novos alumnos e a outros membros da comunidade universitaria de novo ingreso a oportunidade de expresar a súa opinión sobre este servizo bibliotecario. Do mesmo xeito, e en segundo lugar, tamén intenta comprobar, no posible, se ao longo deste ano produciuse algunha variación na opinión dos usuarios e usuarias sobre o servizo de préstamo. Para máis información sobre as condicións de préstamo (tipos de usuarios, número máximo de obras a obter en préstamo, prazos de tempo, condicións de renovación, etc.) pode consultarse a normativa reguladora na sección "Información Xeral, Novidades" da páxina web da Biblioteca Universitaria, e/ou a táboa de préstamo que inclúe o catálogo automatizado (OPAC) da Biblioteca.
A Biblioteca solicita e agradece aos seus usuarios e usuarias na participación na enquisa. Para iso simplemente hai que entrar no seguinte enlace e responder mediante simples "clics" de rato as preguntas que se formulan.