Pregunta ”PREME” de xullo: a satisfacción cos sistemas para informar das novidades da Biblioteca

A pregunta da enquisa "PREME" (unha pregunta ao mes) correspondente ao mes de xullo intenta coñecer o grao de satisfacción dos usuarios e usuarias cos sistemas que emprega a Biblioteca Universitaria (lista de correo ´avisos´, páxina web e blogdabiblio) para mantelos informados das novidades, cambios e demais cuestións de interese sobre o servizo bibliotecario.

Nesta ocasión a pregunta que se formula é: "está vostede satisfeito/a cos sistemas de información de novidades da Biblioteca: lista ´avisos´, páxina web e blogdabiblio?.  Unha vez mais a Biblioteca prega aos seus usuarios e usuarias a colaboración na enquisa respondendo a pregunta ata o vindeiro 31 de xullo.

Na pregunta do mes anterior sobre a satisfacción coas coleccións de libros e revistas impresas que a Biblioteca poñe a disposición dos usuarios, iniciáronse un total de 155 enquisas das cales 74 foron rematadas.  Nas enquisas respondidas a media de satisfacción sitúase nun 3,78 sobre 5, é dicir entre ´algo´ (3 puntos) e ´bastante´ (5 puntos).  Por sectores, de novo foi o PDI quen mais se brindou a responder á pregunta do mes (38%), seguido do alumnado de 1º e 2º ciclo (26%), o PAS (20%), o alumnado de 3º ciclo (12%) e os usuarios externos (4%).  A BIblioteca agradece a totos eles a súa participación.