”Vexo Vigo”: exposición bibliográfica na Biblioteca Central do campus Lagoas-Marcosende

A Sección de Referencia da Biblioteca Universitaria organiza unha nova exposición bibliográfica baixo o título "Vexo Vigo".  A mostra, que se pode visitar desde o pasado 27 de marzo na Biblioteca Central do campus Lagoas-Marcosende (Vigo), amosa unha selección dos libros que se poden atopar la Biblioteca sobre a cultura, a historia, a arte, as parroquias, os roteiros, etc. da cidade olívica.

Segundo as organizadoras da exposición, "Vigo, urbe rural, rural urbano, non é unha cidade sen máis. É unha suma de barrios e parroquias que teñen o seu peso identitario: Vigo é o centro, e mais Bouzas, Coia, Lavadores, Teis, Travesas, O Calvario, Sárdoma, Castrelos, Oia, Coruxo, Alcabre, Navia... Porén, a defensa doconcepto de "vigués/viguesa" é patente en títulos coma Titanes del viguismo en una ciudad discriminada ou Viguissimos. Coma se a idea de vigués necesitase ser reafirmada; coma se esta identidade múltiple non abondase (vigueses de Alcabre, vigueses de Zamáns, vigueses de Ourense...)".

Achégate á Biblioteca Central para coñecer unha selección dos libros que temos sobre Vigo: postais antigas, fotos de Magar e de Pachecho, historia,  biografías, arte e urbanismo, natureza e paixase...  Vigo nunha ollada.