26 marzo, 2009 | 15:37:00
Nace o Blog da Biblioteca de Torrecedeira
A biblioteca de Torrecedeira pon en marcha un blog para mellorar a comunicación cos seus usuarios, ofrecéndolles novas, información sobre actividades e recursos bibliotecarios, etc. En palabras da Directora da biblioteca e impulsora do blog, "o obxectivo principal é conseguir unha canle de comunicación cos nosos usuarios".
Tras Blogdabiblio e Mercando libros, o lanzamento do "blog da Biblioteca de Torrecedeira" vén reforzar as iniciativas da Biblioteca Universitaria de desenvolvemento da "biblioteca 2.0". Este novo blog continua coa introdución da filosofía 2.0 na forma de traballar dos bibliotecarios/as da UVigo baseada en principios como a co-creación, o efecto rede e o valor da contribución do usuario. Como sinala Alorza, editor do blog Administraciones en Red, a potencia dos blogs deriva do carácter bidireccional da comunicación que establecen e da facilidade para formar redes con outros blogs e outros medios. Por iso os blogs deben entenderse como conversas non só dentro de cada blog, senón tamén entre eles.
Do mesmo xeito que no caso de Mercando Libros, Blogdabiblio dá a benvida ao blog da biblioteca de Torrecedeira. Xa somos tres!
