9 febreiro, 2009 | 10:50:00
Novidades e melloras na ”Web of Knowledge”
Thomson Reuters vén de levar a cabo diversos cambios na Web of Knowledge coa inclusión de novas funcionalidades que melloran as formas de buscar, analizar e utilizar a información das bases de datos Web of Science, Journal Citation Report e End note Web. A información pódese consultar na páxina de novidades da FECYT.
Ademais dun documento resumo destes cambios, pódese tamén atopar información máis detallada en varias presentacións en inglés ou en castelán elaboradas por Thomsom Reuters: "Presentación en inglés de las novedades Web of Knowledge", "Presentación en inglés de las novedades de JCR" e "Presentación en español de las novedades de la Web of Knowledge".
Dende xaneiro de 2004, e través da FECYT, o Ministerio de Ciencia e Innovación, poñe a disposición da comunidade científica e tecnolóxica española o acceso á "Web of Knowledge", editada por Thomson Scientific, como servizo público. Para iso, a FECYT contrata a correspondente licencia e xestiona o procedemento de acceso para as Universidades, Organismos Públicos de Investigación, Centros Tecnolóxicos, Hospitais e demáis institucións da I+D española. Máis información en http://www.accesowok.fecyt.es.
