Apertura de bibliotecas polas noites e en fin de semana en maio e xuño

Co gallo do período de exames ordinarios do segundo cuadrimestre recollido no calendario escolar do curso 2007-2008 aprobado polo Consello de Goberno, a Biblioteca Universitaria programou horarios de apertura en noites e fins de semana para os tres campus nas seguintes bibliotecas: Biblioteca de Torrecedeira en Vigo, Biblioteca Central de Ourense e Biblioteca Central de Pontevedra.

O horario nocturno desenvolverase do 5 de maio ao 20 de xuño, de luns a venres (días laborais), mediante a ampliación do horario de apertura das devanditas bibliotecas ata as 3:00 h. da mañá.

O horario de fin de semana terá lugar nas mesmas bibliotecas todos os fins de semana comprendidos entre o sábado 10 de maio e o domingo 15 de xuño, ambos os dous incluidos, dende as 8:00 h. ás 22:00 h.