Aperturas especiais de bibliotecas con motivo dos exames de maio-xullo 2025

Coa chegada das probas de avaliación final do segundo período e de segunda oportunidade, a Biblioteca Universitaria organizou un novo período de aperturas especiais (noites, fins de semana e festivos) a partir do vindeiro 28 de abril e ata o domingo 13 de xullo...

As aperturas levaranse a cabo consonte o seguinte calendario e horarios:

• Fins de semana e festivos: sábados e domingos desde o 3 de maio ao 13 de xullo (máis o festivo do 11 de xullo en Pontevedra) en horario ininterrompido de 9:00 a 21:00 h. nas bibliotecas centrais de Vigo, Ourense e Pontevedra, e a biblioteca de Torrecedeira, na cidade de Vigo.

• Noites: as bibliotecas centrais de Ourense e Pontevedra e maila biblioteca de Torrecedeira ampliarán o seu horario ordinario ata a 1:00 da madrugada de luns a venres, agás festivos, desde o 28 de abril ao 30 de xuño.  Do 1 ao 11 de xullo (10 de xullo en Pontevedra) o horario ampliarase ata as 0:00 h.

Máis información na páxina web da Biblioteca Universitaria: https://www.uvigo.gal/universidade/biblioteca

Imaxe: Alexas_Fotos en Pixabay