Novo informe sobre as publicacións científicas da Universidade de Vigo en Acceso aberto

A Área de Servizos Bibliométricos da Biblioteca Universitaria ven de publicar informe As publicacións científicas da Universidade de Vigo en Acceso aberto: semana do Acceso Aberto 2024. Este informe fai un estudo das publicacións en acceso aberto producidas polo persoal investigador desta universidade entre 2014 e 2023 baseandose na Web of Science (WoS)...

A finalidade do informe é presentar os datos sobre a evolución da participación da UVigo no movemento do acceso aberto. Así, con relación ao período 2014-2023, os datos máis destacados son:

• Un 49,53% do total de documentos da UVigo indexados en WoS está en acceso aberto.
• Os documentos en acceso aberto da UVigo acadan un impacto normalizado en WoS de 1"27, o que supón que reciben un 27% máis de citas que a media dos documentos do mesmo ano e ámbito temático. Este indicador está por riba do conxunto das publicacións da universidade indexadas en WoS nese período (1"06).
• Os ámbitos temáticos nos que a UVigo publicou unha porcentaxe máis elevada de documentos en acceso aberto son física (62,05%), ciencias da terra (61,03%) e economía e estatística (59,32%).