Acceso aos libros dixitais das universidades españolas asociadas a UNE

Logo dos acordos establecidos polo Servizo de Publicacións e a Biblioteca da Universidade de Vigo coa Unión de Editoriales Universitarias Españolas (UNE), a comunidade universitaria pode acceder ás coleccións de monografías e manuais publicados por universidades españolas asociadas á UNE...

Estas coleccións de libros dixitais, accesibles desde o buscador Perseo da Biblioteca Universitaria, poñen a disposición dos membros da comunidade universitaria máis de 16.500 títulos publicados polas editoriais das universidades españolas e outros centros de investigación. A través da plataforma Unebook todos os usuarios e usuarias da comunidade universitaria da UVigo poden acceder ás monografías e manuais de todas as áreas de coñecemento de 58 universidades españolas e doutras institucións como o CSIC, a Casa de Velázquez ou o Centro de Estudios Políticos y Constitucionales. Cunha boa cantidade de obras correspondentes a ciencias sociais e humanidades, os libros están publicados en formato HTML5 e PDF, o cal facilita a busca semántica e, deste xeito, a recuperación da información e datos máis relevantes. O acceso faise mediante unha licencia non concorrente para cada título.

Imaxe de Moondance en Pixabay