Programación de aperturas especiais de bibliotecas desde o 27 de abril ao 14 de xullo de 2024

Coa finalidade de facilitar ao estudantado a preparación das probas de avaliación do segundo período e de segunda oportunidade, a Biblioteca Universitaria programou novas aperturas especiais de bibliotecas desde o vindeiro 27 de abril ao 14 de xullo consonte o seguinte calendario e horarios: 

• Apertura en fin de semana: nas bibliotecas centrais dos campus de Vigo, Ourense e Pontevedra e na biblioteca de Torrecedeira, en horario de 9:00 a 21:00 h., os sábados e domingos desde o 27 de abril ao 14 de xullo, máis os festivos do 1 e do 17 de maio e, en Pontevedra, o festivo local do 11 de xullo.

• Aperturas nocturnas: nas bibliotecas centrais dos campus de Ourense e Pontevedra e na biblioteca de Torrecedeira, o horario ordinario ampliarase ata a 1:00 da madrugada de luns a venres (agás festivos), desde o 29 de abril ata o 28 de xuño.  No mes de xullo, desde o día 1 ata o 12 de xullo, o horario nocturno rematará ás 0:00 h.

• Ampliación do horario ordinario ata as 21:00 h. durante os períodos de redución horaria do mes de xullo, de luns a venres (agás festivos) do 1 ao 12 de xullo nas bibliotecas centrais dos campus de Vigo, Ourense e Pontevedra e na biblioteca de Torrecedeira.

+ información na web da Biblioteca Universitaria.