Manifesto de REBIUN a prol dos repositorios de acceso aberto
Na súa Asamblea do pasado 29 de novembro de 2023, a rede de bibliotecas universitarias españolas REBIUN aprobou o manifesto «En defensa de los repositorios de acceso abierto». Coa finalidade de mellorar a súa difusión, elaborou tamén unha versión máis concisa en formato infografía que, xunto co documento do manifesto, se engade a este post....
Segundo REBIUN este manifesto cobra agora máis importancia que nunca por mor da recente convocatoria de sexenios de investigación da ANECA que puxo de manifesto o descoñecemento que moitas persoas que traballan nas universidades españolas teñen acerca do espíritu, funcionamento e obxectivos dos repositorios institucionais.
Desde o ano 2016 a Universidade de Vigo conta co repositorio institucional Investigo, que xestionado pola Biblioteca Universitaria, trata de difundir e preservar a produción científica do persoal investigador da universidade recollida en artigos científicos, libros e capítulos de libros, relatorios e comunicacións a congresos e reunións científicas, así como nas teses de doutoramento lidas na UVigo.
