Novo informe sobre as publicacións en acceso aberto na UVigo

Co gallo da semana internacional de acceso aberto deste ano 2023, a Área de Servizos Bibliométricos elaborou un informe sobre as publicacións científicas en acceso aberto producidas polo persoal da Universidade de Vigo entre os anos 2013 e 2022... 

Entre os datos máis salientables recollidos polo informe está o feito de que o 46,25% de documentos producidos pola UVigo entre 2013 e 2022 e indexados na Web of Science están dispoñibles en acceso aberto (un total de 7.464 documentos) ou que as disciplinas que máis porcentaxe de acceso aberto acadan na súa produción científica da UVigo son Ciencias da Terra (56,71%), Economía e Estatística (56,13%) e Física (55,65%). O contido do informe pódese consultar en https://zenodo.org/records/10043185