Aperturas especiais de bibliotecas en decembro 2022 e xaneiro 2023

Para facilitar a preparación dos exames do primeiro cuadrimestre, a Biblioteca Universitaria programou unha nova apertura de bibliotecas en horarios nocturnos e de fin de semana a partir do vindeiro sábado 3 de decembro. Estas aperturas desenvolveranse consonte o seguinte calendario:

• Fins de semana: as bibliotecas centrais de Vigo, Ourense e Pontevedra maila biblioteca de Torrecedeira abrirán desde o sábado 3 de decembro de 2022 ao domingo 22 de xaneiro de 2023 (agás os días 24, 25 e 31 de decembro, e 1 e 6 de xaneiro) en horario de 9 a 21 h. Os festivos do 6 e do 8 de decembro estas bibliotecas abrirán co mesmo horario de fin de semana.

• Noites (de luns a venres, agás festivos): as bibliotecas centrais Ourense e Pontevedra maila biblioteca de Torrecedeira abrirán do 5 ao 20 de decembro de 2022 (agás festivos) e do 9 ao 25 de xaneiro de 2023, ata a 1 h. da madrugada.

• Horarios reducidos de Nadal: do 21 de decembro ao 5 de xaneiro, as bibliotecas da Universidade de Vigo abrirán só de mañana en horario de 9:15 a 13:45 h., agás as bibliotecas centrais de Vigo, Ourense e Pontevedra e a biblioteca de Torrecedeira que abrirán de 9:15 a 20:45 h.

Imaxe: TaniaRose, Pixabay