Semana Internacional do Acceso Aberto na Universidade de Vigo
Do 24 ao 30 de outubro celébrase a Semana internacional do acceso aberto, unha iniciativa anual dirixida a promover o acceso aberto no mundo académico e da investigación. Este ano o seu lema é "Aberto para a xustiza climática" e ten como obxectivo concienciar sobre como o acceso aberto pode ser un medio para acadar mais xustiza climática...
Un ano máis a Biblioteca da Universidade de Vigo vai conmemorar esta semana coa publicación do informe As publicacións científicas na Universidade de Vigo en acceso aberto (próxima publicación) e dúas mesas redondas dirixidas a toda a comunidade universitaria e programadas pola Biblioteca Universitaria en colaboración coa Vicerreitoría de Investigación, Transferencia e Innovación.
- Mesa redonda 1. A contribución dos recursos educativos abertos ao logro dos ODS da Axenda 2030 (25 de outubro)
- Mesa redonda 2. Políticas de Ciencia Aberta en Europa, España e América Latina (27 de outubro)
Invitámosvos a asistir ás mesas redondas programadas e a difundir a iniciativa entre a comunidade universitaria. Ambas as dúas mesas retransmitiranse en directo pola canle 2 de UVigoTV. Podedes consultar o programa completo nesta ligazón ou, tamén, consultar a noticia no DUVI.
