Informe bibliométrico sobre ás publicacións científicas da UVigo en 2020

A Biblioteca Universitaria presenta As publicacións científicas da Universidade de Vigo. Informe 2020, elaborado a partir dos datos extraídos das bases de datos Web of Science (WOS), Scopus e Dialnet... 

Este estudo foi elaborado pola Área de Servizos Bibliométricos e nel destacan como datos máis relevantes do ano 2020: 1.730 documentos da UVigo indexados en WoS, 1.797 documentos da UVigo indexados en Scopus, o 82% dos documentos indexados en WoS (1.413 documentos) son artigos publicados en revistas con factor de impacto en JCR (e delas, o 52% está no Q1), case o 49% dos documentos asinados por membros da UVigo indexados en WoS foron publicados xunto a persoas que traballan en institucións doutros países, e o 48% dos documentos foron publicados en revistas en acceso aberto ou híbridas, ou ben están depositados en repositorios públicos.

Incluímos neste informe a evolución nos últimos dez anos dos indicadores de produción, colaboración, acceso aberto e impacto das publicacións. Comparamos tamén estes datos cos das institucións de investigación da nosa contorna, especialmente cos das outras universidades galegas e tres universidades do norte de Portugal (Porto, Aveiro e Minho). Finalmente, debullamos estes indicadores por ámbitos temáticos.

O estudo completo pódese descargar desde a guía de informes e estudos bibliométricos.