Restricións de acceso ás bibiotecas da UVigo pola COVID-19

No marco das últimas medidas adoptadas pola Xunta de Galicia para facer fronte á propagación da COVID-19 (Decreto 8/2021 e Orde do 26 de xaneiro de 2021), a Universidade de Vigo dictou unha Resolución Reitoral, de 27 de xaneiro de 2021, na que, entre outras medidas, establécense limitacións para o acceso ás súas bibliotecas...

En concreto, de acordo co punto 9 da resolución, ata novo aviso as bibliotecas pecharán ao público, de xeito que "so poderá acceder ás dependencias das bibliotecas da Universidade o persoal adscrito á Biblioteca Universitaria". Con todo, permítese ao PDI con contrato en vigor coa Universidade de Vigo facer uso dos servizos bibliotecarios relacionados coa investigación ou a docencia mediante o sistema de cita previa. Para ese efecto, solicitarase a cita á correspondente biblioteca nos teléfonos ou correos-e que figuran na web da Biblioteca, apartado As bibliotecas. Doutra banda, consonte á Resolución Reitoral, do 3 de febreiro de 2021, para a modificación puntual da Resolución do 27 de xaneiro, o alumnado matriculado en TFG e TFM poderá facer uso do servizo de préstamo solicitando cita previa por teléfono ou correo-e.

Agás estas excepcións, e ata novo aviso, as bibliotecas quedan pechadas para todos os efectos ao estudantado e o resto de usuarios/as das bibliotecas.

Imaxe de Alexandra_Koch en Pixabay