A publicacións científicas do persoal investigador da UVigo en 2018

A Biblioteca Universitaria vén de presentar o informe Publicacións científicas da Universidade de Vigo 2018, elaborado a partir dos datos extraídos das bases de datos Web of Science (Wos) e Scopus...

No estudo, elaborado pola Área de Servizos Bibliométricos, hai que salientar como datos máis relevantes: 1.365 documentos indexados en WoS e 1.429 documentos indexados en Scopus asinados por membros da UVigo; o 74% das publicacións indexadas en WoS foron publicadas en revistas JCR, e, delas, o 48% en revistas de Q1; o 46% das publicacións indexadas en WoS foron publicadas en colaboración con persoas que traballan en institucións doutros países; o 34% dos traballos indexados en WoS foron publicados en revistas de acceso aberto

Na segunda parte do estudo preséntanse indicadores de produción, impacto, colaboración e acceso aberto das publicacións dos últimos dez anos.  Estes mesmos indicadores ofrécense por ámbitos temáticos, comparándoos cos resultados obtidos polas universidades da nosa contorna: Universidade de Santiago de Compostela, Universidade da Coruña, Universidade do Minho, Universidade do Porto e Universidade de Aveiro.

O estudo completo pódese consultar na guía da Biblioteca dedicada a informes e estudos bibliométricos.