A presenza da violencia de xénero nas publicacións científicas
Co gallo do 25 de novembro, día internacional da eliminación da violencia contra a muller, e das actividades Bibliolab, organizadas pola Unidade de Igualdade coa colaboración da Biblioteca Universitaria, presentamos un estudo sobre a presenza da violencia de xénero nas publicacións científicas e o número 6 do boletín Impacto que recolle os datos máis relevantes obtidos no estudo...
O estudo recolle a evolución no tempo do número de publicacións indexadas en tres bases de datos bibliográficas (Scopus, WoS e Dialnet), os países que publican un maior número de traballos sobre esta temática, os ámbitos temáticos nos que se publican traballos relacionados coa violencia de xénero, as palabras clave que aparecen con máis frecuencia nas tres bases de datos e os traballos publicados por membros das institucións galegas. Completa o estudo unha escolma de referencias de traballos destacados: os máis citados nas bases de datos internacionais, as publicacións procedentes da Universidade de Vigo recollidas en Scopus e WoS, e os documentos en galego recollidos na base de datos Dialnet.
