A Biblioteca organiza obradoiros sobre ORCID
A Biblioteca Universitaria organiza varios obradoiros nos tres campus sobre creación e xestión do perfil de investigador ORCID (nivel inicial). ORCID (Open Researcher & ContributorID) é un proxecto sen ánimo de lucro que ofrece un identificador único de 16 díxitos para os autores e autoras de publicacións científicas, pero á vez é un espazo para rexistrar os seus datos e traballos e, se se desexa, compartilos coa comunidade científica...
Esta actividade formativa vai preferentemente dirixida ao persoal investigador que non teña perfil en ORCID, ou que téndoo, necesite mellorar a súa calidade (p. ex. coa carga das referencias bibliográficas das publicacións ou a vinculación con outros sistemas como Wos ResearcherID-Publons e Scopus AuthorID). O seu obxectivo é concienciar da importancia de unificar a sinatura científica e dunha correcta xestión e mantemento do perfil ORCID polas vantaxes que ten como: a) unificar a autoría do investigador/a asegurando a súa correcta identificación e da súa propia produción científica, ou, b) estar integrado en ciclos de traballo propios da comunicación científica: envío de artigos aos editores, solicitudes de proxectos, etc. Máis información e inscricións na plataforma Bubela, apartado Biblioteca
