Estudo da Biblioteca sobre as publicacións científicas do persoal investigador da UVigo en 2017
O persoal investigador da Universidade de Vigo publica cada ano centos de artigos científicos, capítulos de libros, monografías, comunicacións... A Biblioteca Universitaria presenta o estudo dos datos máis relevantes das publicacións da Universidade de Vigo en 2017, recollidas en Web of Science (WoS) e Scopus, e a evolución das publicacións nos últimos 10 anos...
Elaborado pola Área de Servizos Bibliométricos, o estudo amosa como datos máis relevantes do ano 2017 os seguintes:
- 1.359 documentos recollidos en WoS e 1.535 documentos recollidos en Scopus asinados por membros da UVigo
- 73% das publicacións recollidas en WoS foron publicadas en revistas JCR
- 1.02 foi o impacto normalizado acadado en WoS polo conxunto das publicacións da universidade
- 48% das publicacións recollidas en WoS foron publicadas en colaboración con persoas que traballan en institucións doutros países
- 23% dos traballos recollidos en Scopus foron publicados en revistas de acceso aberto
O estudo completo pódese consultar na seguinte ligazón, que recolle ademais os resultados doutros dous estudos: Universidade de Vigo: publicacións científicas en acceso aberto (feb. 2018) e As publicacións científicas da UVigo no contexto das universidades do suroeste de Europa (xan.2018).
