Calendario das aperturas especiais de bibliotecas en abril e maio

A Biblioteca Universitaria anuncia a posta en marcha do programa de aperturas especiais (nocturnas e de fin de semana) co gallo dos exames do segundo cuadrimestre.  As aperturas, que comezarán o vindeiro sábado 22 de abril, inclúen os festivos do 1 de maio e do 17 de maio, Días das Letras Galegas...

As aperturas nocturnas, que empezarán o luns 24 de abril e rematarán o xoves 1 de xuño, terán lugar de luns a venres nas bibliotecas de Torrecedeira, Central de Ourense e Central de Pontevedra que permanecerán abertas ata as 03:00 h. da madrugada.

As aperturas de fin de semana desenvolveranse os sábados e domingos comprendidos entre o 22 de abril e o 28 de maio, máis os festivos do 1 e do 17 de maio.  Estas aperturas de fin de semana terán lugar nas bibliotecas de Torrecedeira, Central de Ourense e Central de Pontevedra, en horario de 08:00 a 22:00 horas. Como reforzo, a Biblioteca Central do Campus Lagoas-Marcosende (Vigo) abrirá nesas mesmas datas entre as 09:00 e as 21:00 horas.

Imaxe: Moyan Brenn, Study en Flickr  (CC BY 2.0)