Aperturas especiais de bibliotecas para os exames de decembro-xaneiro

Para facilitar ao alumnado a preparación dos exames do primeiro cuadrimestre, a Biblioteca Universitaria ven de programar unha nova campaña de aperturas nocturnas e de fin de semana. As aperturas comezarán o sábado, día 19 de novembro de 2016 e rematarán o 19 de xaneiro de 2017 de acordo cos seguintes horarios e datas:

Aperturas de fin de semana (sábado e domingo): bibliotecas de Torrecedeira, central de Ourense e central de Pontevedra cun horario de 8:00 a 22:00 horas, as fins de semana comprendidas entre o sábado 19 de novembro e o domingo 18 de decembro (máis os festivos de 6 e 8 de decembro), e do sábado 7 de xaneiro ao domingo 15 de xaneiro (máis o festivo do 6 de xaneiro).  A  biblioteca central do campus Lagoas-Marcosende (Vigo) abrirá as mesmas datas cun horario de 9:00 a 21:00 horas.


Aperturas nocturnas (de luns a venres, agás festivos, ata as 3:00 h. da mañá), nas bibliotecas de Torrecedeira, central de Ourense e central de Pontevedra do 28 de novembro ao 21 de decembro, e do 9 ao 19 de xaneiro.

Durante estes horarios especiais as bibliotecas prestan un servizo de espazo de estudo e consulta de materiais bibliográficos de libre acceso, pero non outros servizos ordinarios como préstamo, préstamo interbibliotecario, acceso a recursos-e, etc.

Imaxe: Tom Waterhouse, Study In Yellow, en Flickr (CC BY-NC 2.0)