A Biblioteca Universitaria súmase ao proxecto cooperativo Dialnet

Promovido pola Biblioteca Universitaria, a Universidade de Vigo vén de asinar un convenio de colaboración coa Fundación Dialnet para participar no portal bibliográfico Dialnet.  O portal ten como obxectivo dar maior visibilidade á literatura científica hispana, en especial nos ámbitos das humanidades, as ciencias sociais e as ciencias xurídicas.

Con esta iniciativa, a Biblioteca amplía os seus esforzos de cooperación bibliotecaria ata o de agora vinculados aos consorcios Bugalicia e ISTEC, a participación en REBIUN (Rede de Bibliotecas Universitarias Españolas), ao proxecto UNICi2 e aos convenios bilaterais coa FECYT para a contratación das bases de datos WoS e Scopus.