Aperturas especiais de bibliotecas co gallo dos exames do segundo cuadrimestre

Para prestar apoio ao estudantado na preparación dos exames do segundo cuadrimestre, a Biblioteca Universitaria ten programado a partir do vindeiro 23 de abril o seguinte calendario de aperturas nocturnas e de fin de semana...

- Aperturas nocturnas: ata as 3:00 da madrugada nas bibliotecas de Torrecedeira, Central de Ourense e Central de Pontevedra, de luns a venres (agás o festivo 17 de maio, día das Letras Galegas), desde o 25 de abril ao 27 de maio.

- Aperturas de fin de semana: desde sábado 23 de abril ao domingo 29 de maio (ambos os dous incluídos) máis o martes 17 de maio, nas bibliotecas de Torrecedeira, Central de Ourense e Central de Pontevedra cun horario ininterrrompido de 8:00 a 22:00 h.  Nesas mesas datas abrirá tamén a biblioteca Central do campus Lagoas-Marcosende (Vigo) aínda que cun horario de 9:00 a 21:00 h.

Imaxe: M.Brenn, Study en Flickr  CC BY 2.0