Obradoiro sobre como publicar traballos de investigación na Escola de Enxeñaría Industrial
O vindeiro 24 de febreiro terá lugar, na Aula de Grao da Escola de Enxeñería Industrial do campus Lagoas-Marcosende, un obradoiro sobre como publicar traballos de investigación. O evento está organizado polo "Programa de Doutoramento en Investigación en Tecnoloxías e Procesos Avanzados na Industria" coa colaboración da Biblioteca Universitaria e a editorial científica Springer.
O obradoiro dirixese principalmente aos novos investigadores/as e autores/as con interese en publicar artigos e libros científicos. A inscrición é gratuíta, previa reserva de praza no formulario de inscrición publicado na web da Escola. A data límite para facer a inscrición remata o xoves 18 de febreiro de 2016.
O obradoiro será impartido en castelán por Nathalie Jacobs, editora senior na editorial Springer e responsable da área de publicacións de enxeñería. Entre os temas a abordar figura cuestións como: por que publicar, a publicación dun libro, como elixir a revista na que se quere publicar, dereitos e permisos, factores de impacto, estrutura dos artigos ou trucos para conseguir a publicación dun artigo. Pechará o obradoiro un coloquio da editora coas persoas asistentes.
Imaxe: eveosblog.de, MINDevent 2012 Copenhagen, en Flickr
