21 novembro, 2014 | 10:52:00

Aperturas especiais de bibliotecas para os exames de decembro-xaneiro

Para facilitar ao alumnado a preparación dos exames do primeiro cuadrimestre, a Biblioteca Universitaria ten programada unha nova campaña de aperturas especiais de bibliotecas (nocturnas e de fin de semana). As aperturas comezarán o vindeiro sábado, día 29 de novembro de 2015, e desenvolveranse ata o 15 de xaneiro de 2015 de acordo cos seguintes horarios e datas:

DECEMBRO 2014

Aperturas de fin de semana (sábado e domingo):

- Bibliotecas de Torrecedeira, central de Ourense e central de Pontevedra cun horario de 8:00 a 22:00 horas as fins de semana comprendidas entre o sábado 29 de novembro e o domingo 28 de decembro, ambos os dous incluídos, máis o festivo día 8 de decembro.

- Biblioteca central de Vigo (campus Lagoas-Marcosende): as mesmas datas enriba indicadas cun horario de 9:00 a 22:00 horas.

Aperturas nocturnas (de luns a venres, agás festivos, ata as 3:00 h. da mañá)

- Bibliotecas de Torrecedeira, central de Ourense e central de Pontevedra do 9 ao 19 de decembro.

XANEIRO 2015

Aperturas de fin de semana (sábado e domingo):

- Bibliotecas de Torrecedeira, central de Ourense e central de Pontevedra cun horario de 8:00 a 22:00 horas as fins de semana comprendidas entre o sábado 3 de xaneiro e o domingo 11 de xaneiro, ambos os dous incluídos, máis o festivo día 6 de xaneiro.

- Biblioteca central de Vigo (campus Lagoas-Marcosende): as mesmas datas enriba indicadas cun horario de 9:00 a 22:00 horas.

Aperturas nocturnas (de luns a venres, agás festivos, ata as 3:00 h. da mañá)

- Bibliotecas de Torrecedeira, central de Ourense e central de Pontevedra do 7 ao 15 de xaneiro de 2015.