A Biblioteca lanza un novo localizador de recursos-e

A Biblioteca Universitaria lanza hoxe unha nova ferramenta para facilitar o acceso integrado aos recursos electrónicos que pon a disposición dos seus usuarios e usuarias. A ferramenta foi desenvolvida coa inestimable axuda do Consorcio Bugalicia sobre a plataforma de código aberto SubjectsPlus.

Grazas a esta ferramenta, ou localizador de recursos-e, acádase un acceso integrado a todos os recursos-e que ofrece a Biblioteca, tanto os contratados como aqueles outros de acceso aberto seleccionados polo persoal bibliotecario. Por outra banda, o localizador inclúe tamén unha completa colección de guías temáticas baseadas nuhna selección de recursos de información para as distintas titulacións da Universidade de Vigo. Ofrécense tamén  outras guías especializadas en cuestións como a elaboración de bibliografías, a calidade das publicacións de investigación, o uso da biblioteca, etc.  O localizador complétase cunha sección de FAQs.

Este localizador está accesible dende a páxina web da Biblioteca Universitaria (apartado Buscar>Recursos electrónicos e apartado Servizos>Guías e tutoriais) e substitúe aos anteriores enlaces de "bases de datos", "revistas-e", "libros-e" e "referencia".

Imaxe: La Glanz Studio, en www.iconarchive.com/show/3d-vol2-icons-by-3dlb/target-icon.html