Programación das aperturas especiais de bibliotecas co gallo dos exames do segundo cuadrimestre

Co gallo da convocatoria de exames do 2º cuadrimestre do presente curso, a Biblioteca Universitaria programou un novo período de aperturas nocturnas e de fins de semana nos tres campus a partir do vindeiro 19 de abril, sábado, e ata o 29 de maio...

A organización destas aperturas especiais responde ao seguinte calendario:

Aperturas nocturnas: do 21 de abril ao 29 de maio, en horario ata as 3:00 h. da madrugada, de luns a venres, nas bibliotecas de Torrecedeira, central de Ourense (biblioteca Rosalía de Castro) e central de Pontevedra.

Aperturas de fin de semana: a partir da fin de semana do 19-20 de abril e ata a fin de semana do 24-25 de maio, en horario ininterrompido de 8:00 a 21:00 h., nas bibliotecas de Torrecedeira, central de Ourense e central de Pontevedra.

Como reforzo abrirase, durante as mesmas datas, a biblioteca central do campus de Lagoas-Marcosende (Vigo) cun horario de 9:00 a 21:00 h.

O festivo día 1 de maio abrirase nestas mesmas bibliotecas co horario de fin de semana.

Durante estes horarios especiais, as bibliotecas prestan un servizo de espazo de estudo e consulta de materiais bibliográficos de libre acceso, pero non outros servizos bibliotecarios ordinarios como o préstamo, o préstamo interbibliotecario, o acceso a recursos-e, etc.