Xa está dispoñible a través da web da Biblioteca Universitaria o servizo bX Hot Articles

Bx Hot Articles é un servizo gratuíto que achega aos nosos dispositivos móbiles o "top-ten" dos artigos académicos nas disciplinas máis importantes e que dende agora está dispoñible a través da web da Biblioteca Universitaria...

Grazas a bX Hot-Articles pódese estar ao corrente dos avances que se producen en cada campo de investigación e ver que artigos foron os máis populares entre os investigadores de cada campo nas últimas semanas, chegar ao texto completo deses artigos en formato electrónico, enviar a referencia dos artigos por correo-e ou recibir notificacións de cada actualización da lista.

Para instalar a aplicación no seu dispositivo consulte as instrucións na web da Biblioteca Universitaria (Servizos > bx Hot Articles) ou vaia directamente a Google Play para dipositivos Android ou a iTunes para dispositivos iOS.