5ª EDICIÓN DO CURSO ”MÁIS ALÁ DE GOOGLE”

Unha vez máis a Biblioteca Universitaria pon en marcha unha nova edición do curso en liña "Máis alá de Google" recoñecido con 2 créditos de libre elección e 1 crédito ECTS. Este curso está orientado ao alumnado da universidade interesado en profundizar nos coñecementos e ferramentas que lle permitan ser autónomo no acceso, uso e xestión da información, e poder así afrontar con éxito traballos académicos ou de investigación...

Esta 5ª edición desenvolverase do 20 de maio ao 21 de xuño de 2013. A matrícula debe formalizarse a través da plataforma Bubela. O prazo de matrícula abrirase o día 6 de maio ás 15:00 h.e rematará o día 10 do mesmo mes. Debido á gran demanda do curso, é recomendable facelo no mesmo momento en que se abre a matrícula, xa que a selección farase por orde de matriculación.

^{Foto: Shekhar_Sahu, "Multituouch-virtual-keyboard-google-byww w.gottabemobile.com copy", en Flickr}