Nova versión de Pórtico, o buscador de recursos-e da Biblioteca
Logo dos traballos conxuntos co Consorcio Bugalicia e as bibliotecas das universidades galegas, xa está dispoñible a nova versión de Pórtico, o buscador de recursos electrónicos da Biblioteca Universitaria. Nestes momentos, a través do buscador pódense atopar as revistas e os libros electrónicos e acceder ao listado de bases de datos da biblioteca...
Con Pórtico é posible localizar e coñecer os recursos-e que ofrece a biblioteca e enlazar ao texto completo se dispón del grazas ao xestor de enlaces SFX.
Dende Pórtico accédese a dúas listas separadas nas que se poden buscar por diferentes campos: revistas-e (título, ISSN, editor e materia) e libros-e (título, autor, editor e ISBN). Ademais inclúese un localizador de artigos de revistas.
Para saber como se usa Pórtico, consulte a guía de uso.
