Ampliación de aperturas especiais de bibliotecas no campus de Vigo

Coa finalidade de atender as necesidades de espazos de estudo e preparación dos exames das titulacións de Enxeñería Industrial a celebrar no campus de Vigo desde o 7 ao 11 de xaneiro de 2013, a Biblioteca Universitaria programou unha ampliación das aperturas nocturnas e de fin de semana nese campus...

En concreto, tense programada a apertura nocturna da biblioteca de Torrecedeira ata as 00:00 h. nos días 2, 3, 4, 7, 8, 9 e 10 de xaneiro. 

Para a fin de semana do 5 e 6 de xaneiro, a biblioteca de Torrecedeira abrirá ambos os dous días de xeito ininterrompido desde as 08:00 ás 22:00 h., mentres que, como reforzo, a biblioteca central do campus Lagoas-Marcosende tamén permanecerá aberta desde as 09:00 ás 21:00 h.