Enquisa PREME de xaneiro-febreiro 2012: o servizo de préstamo

Co novo ano, a Biblioteca inicia unha nova campaña de recollida de enquisas de satisfacción dos seus usuarios e usuarias (enquisa PREME).  Coa finalidade de coñecer a opinión da comunidade universitaria sobre outros servizos e áreas de actividade da Biblioteca, as enquisas deste ano tratarán doutros aspectos distintos aos ata agora contemplados.  Para comezar, a pregunta correspondente a xaneiro-febreiro de 2012 trata da satisfacción co servizo de préstamo de libros...

O servizo de préstamo está suxeito a unha regulación que se recolle na Normativa de préstamo aprobada pola Xunta de Goberno e accesible a través da páxina web da Biblioteca Universitaria (sección Información xeral-Novidades).  Na norma fíxanse os principais aspectos do servizo como, por exemplo, o número de obras que se poden obter en préstamo, os seus prazos, a posibilidade de renovacións, etc.

Participa na enquisa e axuda á Biblioteca a seguir mellorando!  Está vostede satisfeito/a co servizo de préstamo?

FOTO: Bram de Jong, www.flickr.com/photos/bramdejong/213129174/