Con ocasión da convocatoria de exames e probas de avaliación do primeiro período (do 10 ao 21 de xaneiro de 2012) de acordo co calendario escolar deste curso aprobado polo Consello de Goberno da UVigo, a Biblioteca Universitaria vai levar a cabo a ampliación dos seus horarios de apertura nos campus de Vigo, Ourense e Pontevedra a partir do vindeiro 7 de xaneiro...
Estes horarios especiais inclúen a apertura nocturna (ata as 3:00 h. da madrugada), de luns a venres, das bibliotecas de Torrecedeira, Central de Ourense e Central de Pontevedra desde o 9 ao 20 de xaneiro de 2012.
Por outra banda, programáronse tamén aperturas nas fins de semana do 7-8 e 14-15 de xaneiro de 2012. Estas aperturas (sábados e domingos) terán lugar nas bibliotecas de Torrecedeira, Central de Ourense e Central de Pontevedra, cun horario ininterrompido de 8:00 a 22:00 h. Como reforzo, a Biblioteca Central do campus Lagoas-Marcosende (Vigo) abrirá nesas mesmas datas en horario de 9:00 a 21:00 h.
Así mesmo, co gallo da modificación das datas do período de exames da Escola de Enxeñaría Industrial, a biblioteca de Torrecedeira e a Biblioteca Central do campus Lagoas-Marcosende abrirán tamén a fin de semana do 21-22 de xaneiro cos mesmos horarios enriba indicados para cada unha delas.