”IEEE Training” organizado polo Consorcio Bugalicia (venres, 7 de outubro)
O IEEE, xunto co Consorcio Bugalicia, organiza o vindeiro venres, dia 7 de outubro, un "IEEE Training" dirixido a profesores, alumnos/as e persoal bibliotecario das tres universidades galegas interesados en coñecer con máis profundidade a base de datos e as publicacións de IEL Xplore. A xornada, que terá lugar no Salón de Actos da Escola Técnica Superior de Enxeñaría da Universidade de Santiago de Compostela (campus sur), comezará ás 10:30 h.
Programa da xornada:
- 10:30 Introdución á xornada
- 10:45 O valor do contido de IEEE
- 11:15 Pausa-almorzo ofrecido por IEEE
- 11:30 Adestramento na base de datos IEL Xplore
- 12:15 Rogos e preguntas
Aquelas persoas interesadas en asistir ao evento poden confirmar a súa asistencia vía rexistro electrónico na web http://goo.gl/Xwn12. Para máis información pódese chamar ao teléfono do Consorcio Bugalicia (881 031 004) ou consultar na súa páxina web.
