Aperturas especiais de bibliotecas nos meses de xuño-xullo

Coa finalidade de apoiar ao alumnado da UVigo na preparación das probas de avaliación e exames correspondentes ao mes de xullo, a Biblioteca Universitaria anuncia a posta en marcha de aperturas especiais, tanto nocturnas como de fin de semana, a partir do próximo día 25 de xuño.

As aperturas nocturnas, que comezarán o luns 27 de xuño, terán lugar de luns a venres nas bibliotecas de Torrecedeira, Central de Ourense e Central de Pontevedra. Durante os días 27 ao 30 de xuño, estas bibliotecas permanecerán abertas ata as 03:00 h. da madrugada; do 1 ao 15 de xullo, as bibliotecas abrirán ata as 00:00 horas.

As aperturas de fin de semana desenvolveranse os sábados e domingos comprendidos entre o 25 de xuño e o 10 de xullo. As devanditas aperturas en fin de semana terán lugar nas bibliotecas de Torrecedeira, Central de Ourense e Central de Pontevedra, en horario de 08:00 a 22:00 horas. Como reforzo, a Biblioteca Central do Campus Lagoas-Marcosende (Vigo) abrirá nesas mesmas fins de semana entre as 09:00 e as 21:00 horas.

O luns día 11 de xullo, festa local en Pontevedra (S.Bieito), a Biblioteca Central do campus de Pontevedra abrirá en horario de 08:00 a 22:00 horas.

Imaxe: Fábio Francisco de Souza, "Memorização", Flickr, www.flickr.com/photos/fabiofco/391312073/